Waaraan dink ons op Wêreld Polio Dag 2021?

Waaraan dink ons op Wêreld Polio Dag 2021?

Wêreld Polio Dag word jaarliks wêreldwyd op 24 Oktober herdenk. Op hierdie besondere dag, val die klem hoofsaaklik op bewusmaking, bewusmaking van 'n virus aandoening wat in die 19de eeu en by herhaling in die 20ste eeu, pandemiese afmetings aangeneem het. Die besluit om so 'n spesiale gedenkdag te loods, is meer as 'n dekade gelede deur Rotary International geneem.

24 Oktober is die geboortedag van Jonas Salk, die man wat aan die roer gestaan het van die heel eerste navorsingsinisiatief wat 'n entstof teen hierdie gevreesde virale infeksie wat vandag as polio (poliomyelitis) bekendstaan, ontwikkel het. Dit was te danke aan hierdie ontdekking, wat met die jare verfyn s en vandag as 'n polio slukstof in druppel vorm toegedien word, dat hierdie gevreesde virale infeksie uiteindelik teen 2013 as “99% uitgeroei” verklaar kon word. Was dit egter nie vir die entstof nie, sou die rolspelers wat die veldtog onder die vaandel van die Global Polio Eradication Initiative (GPEI) gedryf het, dit nie kon vermag het nie.

Watter les leer ons uit die geskiedenis en verloop van die polio epidemie?

Hierdie vraag word in 'n onlangse artikel oor hierdie onderwerp gevra. Die antwoord hierop word soos volg verwoord: Ons leer hieruit dat nòg die COVID-19 pandemie nòg die 1918 griep pandemie, die enigste globale gesondheidskrisisse was wat in die loop van die vorige eeu of twee die mensdom getref het en in die proses 'n massiewe tol aan menselewens geëis het. Uit die geskiedenis van die ontwikkeling van 'n polio entstof en die uiteindelike positiewe uitkoms te danke hieraan, leer ons ook, sê die skrywer, hoe belangrik dit is om entstowwe wat ontwikkel word, te vertrou.

Ora Laubscher