Twee mans het Sondagaand om 19:00 'n huiswinkel in Beverley Hills beroof.  Die mans, wat aan die Somaliese eienaar bekend is, het die winkel binne gekom en die deurtjie onder die toonbank oopgeskop. Hulle het die eienaar daarna geskop, getrap en met 'n kierie geslaan. Die winkelrowers het daarna met R3000 kontant op die vlug geslaan. Die polisie het dadelik opgetree en as 'n span na die oortreders gesoek.

Elrico Dyk (28) is om 22:00 in Beverley Hills gearresteer waarna Christopher Frans (23) homself om 23:30 aan die polisie oorgegee het. Beide het reeds in Hermanus se Landdroshof verskyn.

Francois de Jongh