Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Die nuwe eienaars van Tuscany Restaurant, Madelaine en Leon Steyn het die deure Maandagoggend (1 Mei) wyd oopgegooi vir die mense van Gansbaai met ‘n smaaklike openingsontbyt.
Die Steyns het sowat ‘n jaar gelede by hul dogter, Maryke kom kuier. Maryke se voete was reeds lankal nat van die Gansbaai water en haar entoesiasme oor die pragtige dorp was aansteeklik.
Die Gansbaai anker teen die berg en die langlyn treilers wat gedurig kom en gaan in die hawe, het ook hulle harte gehaak en dit was nie ‘n moeilike besluit om vanuit Uganda hierheen te verhuis nie.
Bestuur en spyseniering is glad nie ‘n nuutjie vir die twee vindingryke entrepreneurs nie.
Hulle het die Lake Albert Lodge op die Kaboya Wildreservaat in die hartjie van Afrika besit.
Die lodge is sowat agt ure se ry van Uganda se hoofstad, Kampala afgeleë.
Hier het hulle soms vir tot 62 gaste reggestaan wanneer die 24 chalets vol bespreek was.
Madelaine sê: “Tuscany is reguit uit die Here se hande aan ons gegee en daarom sal ons SY naam en die standaarde hoog hou! Kom kuier gerus!”
