Gansbaai Fraternal reël ‘n Eendag Konferensie en Gemeenskapsontwikkelingsontbyt vir alle kerk- en gemeenskapsleiers van Groter Gansbaai. Die tema vir die oggend is: “Die Here sal voorsien / The Lord will provide”. Ds Dennis Naidoo, voorsitter van Gansbaai Fraternal, sê die lede van die Fraternal het tydens hulle vergadering op 29 Augustus op die noodsaaklikheid van so ‘n konferensie besluit en past Beryll Coetzer help hom met die nodige reëlings.

Die hoofdoel van die konferensie is dat Geestelike- en Dorpsleiers, asook verskeie organisasies en instansies soos Gansbaai SAPD, Gansbaai Sakekamer, Gansbaai Munisipaliteit, Maatskaplike Dienste, Gansbaai Toerisme, Gemeenskapsontwikkelaars en andere aan ‘n ope-gesprek rakende Gemeenskapsontwikkeling kan deelneem. Die onderskeie organisasies en skole is reeds by wyse van persoonlike skrywes uitgenooi. “Byvoorbaat dankie aan hierdie rolspelers se teenwoordigheid op 19 Oktober,” sê ds Naidoo. Dr en me Okkie Grundling van die “Monte Christo Miqlat Christian Non-Profit Company Paarl”, sal as gassprekers tydens die konferensie optree. Die organisasie se visie lui: “To raise up people in our community to help those in need.”

Navrae rakende Gansbaai Fraternal kan aan ds Naidoo by 028-384-1720 of 083-228-6815 gerig word, of stuur ‘n e-pos aan hom by dnaidoo2@telkomsa.net.

Hardus Botha