Links is Leibrandt van Niekerk saam met Oubaas Lesch met sy 5.9kg wit steenbras

Oubaas Lesch van die Overberg Kushengelklub het onlangs, ondanks min vangstes, die grootste vis en daarmee die swaarste sak ingepalm. Hy het ‘n wit steenbras van 5.9kg tydens die klub se kompetisie op 12 November kant toe gebring.

Tweede was Morné Olivier met ‘n kabeljou van 1.83kg. “Ons het by Kusweg Kafee ingeweeg en sê sommer dankie vir hulle fasiliteite wat ons kon gebruik,” sê Maynard van Niekerk (Snr).

Hy bedank ook graag die volgende borge wat tot die sukses van die kompetisie bygedra het: Boathouse restaurant, Die Knapsak en Hair Tizelle.

Overberg Kushengelklub se volgende kompetisie sal op Donderdag, 26 Desember 2013 plaasvind, en staan bekand as hulle jaarlikse Boxing Day Opedag Hengelkompetisie. Spanne van 4 per span is welkom om in te skryf en die inskrywingsfooie beloop R200 per span. Groot pryse sal op die spel wees.

Vir enige navrae kan die Wedstrydsekretaris, Leibrandt van Niekerk by 082-487-3106 gekontak word, of stuur ‘n epos aan hom by bietouprops@gmail.com.

Hardus Botha