'n Kreef kwotahouer het Maandagoggend om 05:00 'n half gesinkte vasteboom rubberboot sowat 2 seemyl wes van Danger Point aangetref. Daar was egter geen teken van die bemanning nie. "Ek is in kennis gestel en het my saam met Cassie Carstens van Overstrand Medical Response na die toneel gehaas. Net die boeg van die boot het bo die water uitgesteek en dit is met groot moeite ingesleep," het Koos de Kock, Bootveiligheids- en NSRI beampte van Gansbaai, gesê.


Die massiewe vlekvryestaal petroltenk is net agter die stuur geplaas.
Daar is 'n sakkie perlemoen op die langafstand boot met twee 200 pk buiteboordenjins en 'n reuse petroltenk van ± 250 liter gevind. Die eienaar word nog gesoek maar daar word vermoed dat die boot by Hawston gelanseer is.
Francois de Jongh