Is jy een van daardie persone wat twee linkerhande het, maar jy wil graag die regterhand in die huis wees? Andersins, is jy dalk ‘n vaardige vakman by wie ons iets kan leer? Dalk soek jy ‘n stokperdjie ná aftrede, of wil jy kontakte  opbou wat betref houtwerkmasjiene en ander houtverwante sake. In so ‘n geval kan jy gerus by die Overberg Houtwerk Assosiasie aansluit.

Vergaderings is elke eerste Donderdag van die maand by Progress Design in die Gansbaai Nywerheidsgebied om 18:00. Ons eerste vergadering is dus 6 Februarie 2014. Ledegeld is R120 per jaar. As jy belangstel om houtwerk te doen, besoek gerus die volgende webwerf: http://woodgears.ca/beginner/.

Die nuwe bestuur is onlangs verkies en is as volg: Voorsitter - Hennie Prinsloo 028-384-1454 of 083-414-7962l Ondervoorsitter - Roger Voigt 028-384-3845; Tesourier - Johan Schreuder 028-388-0585; Addisioneel - Martiens Fourie 028-388-0109; Media - Ben de Lange 028-384-1963 of 084-581-2801.

Elke tweede Donderdag van die maand vergader die Houtdraaiers-groep onder leiding van Hannes Ludick, 028-384-1170 te Halfkoordstraat 3, Kleinbaai. Dames is ook welkom!

Ben de Lange