Vlnr: Jaiden Dickson, Zulene van Niekerk en Marilu Koekemoer.

Drie oud-leerlinge van Laerskool Gansbaai is ingesluit in die Hoërskool Boland-atletiekspan wat eerskomende Saterdag in Oudtshoorn aan die Wes-Kaap Atletiekkampioenskappe gaan deelneem.  Hulle gaan meeding teen die spanne van WP en SWD.

Hulle is Jaiden Dickson (DO/14 Spiesgooi), Zulene van Niekerk (DO/14 300m hekkies) en Marilu Koekemoer (DO/15 3000m). Jaiden en Zulene is in Hoërskool Hermanus, terwyl Marilu in Hoërskool Bredasdorp is. Jaiden sowel as Zulene het brons en Marilu het goud tydens die Bolandkampioenskappe ontvang in hulle afsonderlike items.

Wat hierdie prestasie so uitsonderlik maak, is dat daar slegs 10 dogters uit al die skole van die Suid-Bolaned in hierdie span opgeneem is en 3 van hulle is oud leerders van Laerskool Gansbaai.  Ons is met reg trots op hierdie drie dogters wat nog steeds Gansbaai se naam hoog hou en ons hou styf duimvas dat dit Vrydag en Saterdag in Oudtshoorn met elkeen goed sal gaan.