“Ek beskou hierdie toekenning vir die skoonste gastehuis vir 2013 deur Venere.com as ‘n groot eer,” vertel Mary Searle van Umnenge Lodge in De Kelders. Sy en haar eggenoot, Richard, bedryf die gastehuis nou sowat 6 jaar en het ook in 2012 TripAdvisor se "2012 Certificate of Excellence" toekenning ontvang.

Januarie vanjaar het hulle die gesogte toekenning, “Top Clean 2013” van Venere.com ontvang. Gedurende Februarie is ‘n tweede epos vanaf Venere.com ontvang, met die nòg meer gesogte toekenning, “Top Overall Ratings 2013”. Daarmee saam is die opmerking gemaak dat slegs 5,000 gastehuise/hotelle uit 135,000 wêreldwyd hierdie toekenning ontvang het.

"Umnenge" is ‘n Xhosa-uitdrukking wat “walvis in die baai” beteken en heenwys op die Southern Right walvisse wat jaarliks vanaf ±Julie tot Desember hier te siene is. Mary kan by 028-384-1684 gekontak word.

Hardus Botha