Die afgesaagde voorpunt van 'n .303 geweer se loop is tydens 'n visentering deur die polisie in 'n huis in Blompark gevind. Die polisie het Vrydagaand op inligting, wat deur die publiek verskaf is, gereageer. Die stuk loop hou moontlik verband met 'n .303 geweer wat vroeër by 'n perseel in Franskraal gesteel is. Die loop is moontlik verkort om die wapen op kort afstande te gebruik. Dit kan dan ook makliker versteek word.

Jerome Tao (23), is gearresteer op 'n klag van ernstige aanranding en die besit van gesteelde eiendom. Die verdagte het Maandag in die hof verskyn en borgtog is geoponeer.

Francois de Jongh

Zoom