Gesteelde eiendom gevind

Die verskaffing van inligting het daartoe bygedra dat Kaptein Danie Rautenbach en lede van die plaaslike polisie die inligting vinnig opgevolg het te Eloxolweni, Pearly Beach. 'n Woning is deursoek en daar is beslag gelê op 'n rottang sitkamerstel en 'n TV. Die eiendom is by Gansbaai SA Polisie ingehandig. Twee verdagtes is gearresteer en het reeds in die landdroshof verskyn. Met verdere ondersoek het dit aan die lig gekom dat die rottangstel reeds in Februarie 2015 in Pearly Beach gesteel is.

Adj. Off. CW le Roux

Huisbrake neem toe

Dit raak egter nou kommerwekkend teen die tempo wat huisbrake toe neem in Pearly Beach en Franskraal. Die publiek word dringend versoek om enige verdagte persone of voertuie onmiddelik aan die polisie te rapporteer. Verskeie operasies was al geloots gewees deur die plaaslike polisie, waar daar ook sukses behaal is, maar daar is nog verdagtes wat rondbeweeg. Die publiek word versoek om meer veiligheidsbewus te raak, en nie net enige een te vertrou nie. 'n Paar besighede in die dorp het ook deurgeloop. Indien u oor enige inligting beskik word u versoek om die inligting  aan die plaaslike polisie deur te gee.

Adj. Off. CW le Roux

Zoom