Ad.Off. Wynand le Roux, woordvoerder van Gansbaai SAPD, doen weer eens ‘n ernstige beroep op inwoners om nie nalatig te wees met die ooplaat van deure, vensters en motorhuise nie, asook die binne-laat van vreemde persone. “Dit is noodsaaklik dat sekuriteit by wonings en voertuie opgeskerp moet word,” het hy ook gesê. Voorts is dit van groot belang dat inwoners alle eiendomme en artikels, veral waardevolle artikels, in ‘n inventaris moet opneem waar reeksnommers toegeken word. “Reeksnommers op artikels dra by tot die maklike en wettige identifikasie van gesteelde goedere, waar heelparty ongeïdentifiseer in Gansbaai SAPD se stoor opgeberg word,” sê AO Le Roux. “Selfs die neem van foto’s van artikels is ‘n sterk aanbeveling.” Navrae kan aan AO Le Roux by 028-384-0201 gerig word.

Hardus Botha

Zoom