'n Winkeldief het sy rieme verlede Woensdag by Built It styfgeloop toe 'n winkelassistent, André Blomerus, hom herken het nadat die bestuur hulle vroeër teen die dief gewaarsku het. "Ek het die man die winkel sien verlaat en hom genader. Hy het egter weggehardloop en ek het hom agternagesit. Hy is 'n baie lang man en terwyl ek hom gejaag het, het 'n skraal polisieman skielik by my verby gehardloop. Die dief is gevang en teen 'n polisiemotor vasgedruk en gearresteer.

Ek was verbaas oor Lt Africa se spoed en dankbaar dat hy op die regte tyd op die regte plek was. Die verdagte, Bernardus (Nardie) Groenewald (46) is gevisenteer en die gesteelde artikels wat hy onder sy hemp en belt ingedruk het is gevind. Hy het ook na bewering vloeibare tik by hom gehad wat binneaars toegedien word. Groenewald is ook die vorige week met vermoedelik tik betrap en was Woensdag uit op borgvoorwaardes. Hy was na bewering voorheen 'n speurder in die Paarl en het verskeie vorige veroordelings vir diefstal, huisbraak en dwelms.

Francois de Jongh

Zoom