Kleinbaai en Franskraal beleef tans ‘n vlaag van inbrake terwyl vakansiegangers agter die huis om braaivleis-vure staan. Die inbrekers kry gewoonlik toegang deur oop vensters en deure en is veral aktief vanaf 21h00. Skootrekenaars, selfone, beursies en handsakke word geteiken en inwoners kom eers hul skade agter as die diewe reeds weg is. Sp Kapt Danie Rautenbach doen ‘n ernstige beroep op die publiek om meer veiligheidsbewus te wees. Hy vra ook dat serie nommers van eiendom neergeskryf word en dat die publiek bedag moet wees op ronddwalers in die straat. As dit moontlik is moet selfoonfoto’s van die verdagtes geneem word en die polisie moet by 028 384 0201 geskakel word. “As almal saamwerk behoort ons hierdie verdagtes gouer vas te trek” het Rautenbach gesê.

Francois de Jongh

Zoom