Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Die oogseer van ongesnyde gras by ons poskantoor het Donderdag vir Sakkie Louwrens (74) net te veel geraak. “Oom Sakkie het vanoggend hier aangekom, sy goedjies uitgepak en begin sny. Ek het hom kom vra wat hy maak en hy het gesê hy gaan nou begin skoonmaak en kyk hoe ver hy kom. Toe sê ek dat ek hom gaan help om grassies bymekaar te maak. ‘n Vonkprop het ingegee en hy het dit gaan ‘fieks’ en toe teruggekom.” het Janine Plaatjies (posassistent) gesê. Louwrens van De Kelders is ‘n afgetrede poskantoor amptenaar met 40 jaar diens. Tydens sy aftrede was hy Senior Bestuurder in Natal. “Ek is hier besig want ek kan nie toekyk dat ‘n besigheid so ten gronde gaan dat die gras nie eers gesny kan word nie. Almal sien die gemors. Watter beeld skep dit,” het Louwrens gesê.
Francois de Jongh
