Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Bekende sakeman betrek
Twee mans is op Sondag 17 Januarie gearresteer op ‘n klag van sameswering tot moord. AJ Smit, eienaar van die kuierplek, Friends, word daarvan beskuldig dat hy ‘n gewese sakevennoot na ‘n geskil deur ‘n huurmoordenaar wou laat vermoor.
Die mede-beskuldigde, Yusuf Tayob, van Barnardstraat, is ‘n voormalige munisipale werknemer by die rioolsuiweringswerke en tans in diens van ‘n private maatskappy aldaar.
Hy is sedert 2012 in ‘n hooggeregshofsaak saam met 6 ander vermeende perlemoen sindikaatslede vanoor die hele skiereiland betrokke. Die polisie het inligting oor die beplande huurmoord ontvang en na ‘n getuie-verklaring en ‘n deeglike ondersoek self as klaer opgetree en die twee mans gearresteer. “Die identiteit van die man wat hulle na bewering beplan het om te vermoor word tans om veiligheidsredes weerhou” het Spr. Kapt. Danie Rautenbach Dinsdag gesê.
Die twee verdagtes het verlede Dinsdag in Hermanushof verskyn en borgtog is geweier. Hulle word tans in Caledon gevangenis aangehou. Hulle het weer verlede Donderdag verskyn en die saak is uitgestel tot vandag om hul misdaadprofiele na te gaan. ‘n Formele borgaansoek sal dan gedoen word.
Francois de Jongh
