Voorlopige Inkomstebelasting is gemik om die belastingbetaler te help om sy aanspreeklikheid na te kom  deur middel van 2 betalings te maak in plaas van 1 groot enkelbetaling na aanslag. 'n Derde betaling kan opsioneel gedoen word , sou dit nodig wees. Die betalings word vooruitgemaak, vir die betrokke jaar , en word gebasseer op die geskatte belasbare inkomste vir die jaar van aanslag. Die aanspreeklikheid word bereken deur die normale belasting wat deur die jaar betaal is af te trek van die voorlopige Inkomste Belasting berekening en die verskil / tekort  moet dan betaal word by wyse van die voltooing en diening van die IRP6 opgawe ( elektronies of per hand by enige SAID Tak ).  Daar is 3 belangrike datums wat die voorlopige belasting- betaler ingedagte moet hou, naamlik:

1ste betaling - 31 Augustus       2de betaling - 28/29 Februarie

3de betaling - 30 September (opsioneel)

Wie moet voorlopige inkomstebelasting betaal? Individue wat inkomste verkry wat nie 'n salaris, loon, kommissie, pensioen, toelae of voorskot is nie, soos  bv netto huurinkomste, belasbare bruto rente inkomste, buitelandse rente en dividende, eenmansake, asook vennote van 'n vennootskap, lede van beslote korporasies en direkteure van maatskappye.  Beslote korporasies en maatskappye val outomaties onder hierdie stelsel. Boetes en rente kan gehef word in die volgende gevalle: Onderskatting van inkomste , laat indiening van opgawes , asook  die laat betaling van die opgawes.

Dit is dus belangrik dat die leser homself vergewis of hy/sy vir voorlopige belasting kwalifiseer of nie.

Indien daar enige twyfel is, kan ons gekontak word by (028) 384 1698 of e-pos: chantel@orcawireless.co.za.

CM du Plessis Rekenmeesters

Zoom