Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
‘n Dwelmgedrewe skietvoorval in Blompark op Sondag, 9 Oktober 2016 het bykans die lewe van ‘n 28 jarige man geëis.
Vier skote is afgevuur, waarvan een voor in sy mond vasgesteek het. Hy is in Hermanus hospitaal opgeneem, maar is intussen ontslaan.
Twee patrone is deur Gansbaai SAPD se Speurafdeling op die toneel gevind wat vir ballistiese toetse weggestuur is.
Volgens Adjudant-offisier Vermeulen was daar gedurende die vorige Saterdag ook ‘n aanslag op dieselfde persoon en sy vriend se lewens gemaak.
Vier voertuie met CA-registrasienommers en donkergetinte ruite, wat vermoedelik by die skietvoorval betrokke was, is geïdentifiseer as ‘n swart VW Polo, ‘n swart VW Audi (nuwe vorm), ‘n groen Nissan Sani en ‘n wit Nissan Sani.
Die verdagtes is nog op vrye voet en die saak word ondersoek.
Die ondersoekbeampte is Adjudant-offisier Vermeulen van Gansbaai SAPD se speurtak en kan by 028-384-0201 of 079-893-9972 gekontak word. Hy versoek die publiek om nie self te probeer optree nie, maar om die polisie te skakel.
Inbreker op heterdaad betrap
‘n Manspersoon van Eluxolweni, Senthenkikel Ndzela (21) is op heterdaad in ‘n huis in Pearly Beach betrap waar hy ingebreek het en gearresteer is. Hy het reeds in die Bredasdorphof verskyn, waar borg opponeer is.
