Gansbaai Krieketklub het Sondag, 30 Oktober 2016 in Stanford teen Stanford Krieketklub aan ‘n 40 Overs Sondagliga-wedstryd te staan gekom en met ‘n reuse telling as oorwinnaars uit die stryd getree.

Gansbaai het eerste gekolf, met Corrie Avenant, sekerlik die “speler van die dag”, wat ‘n reuse telling van 192 lopies (15 x 4) en (13 x 6) aangeteken het (die hoogste telling nóg vir Gansbaai). Verdere bydraers tot die oorwinning was dié van Dirk met 44 lopies (2 x 4 en 3 x 6) en Emilé met 33 lopies (2 x 4). Stanford se beste boulers was Randall (5-0-44-3) en C Koopman (7-1-39-3).

In hulle kolfbeurt kon Stanford geen weerstand teen die vinnige en akkurate boulwerk van Gurshwin Davids (3-0-16-2), Corrie Avenant (5-1-16-3), Christo Swart (4-1-20-3) en Dirk (14-0-2-1) bied nie.

Gansbaai het met 327/10 in 38 boulbeurte uit die stryd getree, met Stanford wat almal uit was vir 57 lopies.  

Die Gansbaaiers wen die wedstryd met 270 lopies.

Gansbaai se volgende wedstryd is op Sondag, 13 November 2016 tuis teen Kleinmond Krieketklub.

Zoom

Zoom