Ek het onlangs, soos die gebruik is, met my Jack Russel verby die ou begraafplaas gaan stap en ‘n vreemde voorwerp op die ringmuur gesien. By nadere ondersoek het ek gesien dit is ‘n verweerde stuk been, vermoedelik van ‘n dier, met ‘n lengte van ±20.5cm, ‘n middelomtrek van ±15cm en aan die een punt ‘n omtrek van ±30cm en die ander punt ±26.5cm.

My vermoede was dat ‘n munisipale werker gras gesny het en die been op die ringmuur geplaas het.

Vir ‘n leek op hierdie gebied, het ek gewonder of dit ‘n ledemaat van ‘n renoster kon wees, maar verneem graag of ‘n kundige op hierdie gebied meer inligting kan verskaf.

Tex Ritter

Redaksionele kommentaar: Foto’s van die verweerde been is aan  dr Graham Avery (MRSSAf) gestuur om kommentaar daarop te lewer. Dr Avery het die volgende kommentaar gestuur: “Images are difficult, but from the size and shape I’d say it is a young bovine (cattle). It’s definitely not human.”

Zoom

Zoom