Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Langasems van heinde en verre het verlede jaar op Oujaarsdag, 31 Desember 2016 vir die Gansbaai Lionsklub se jaarlikse Dangerpoint marathon opgedaag.
Sowat 1 256 deelnemers het vir die Lions se 18de Dangerpoint Marathon vir die onderskeie afstande ingeskryf en die wedlope voltooi.
Die hoofitem was die moordende 21km wedloop waaraan 464 drawwers deelgeneem het. Vir die minder moeilike 10km afstand was daar 373 deelnemers en vir die 5km pretloop 420. Veral die 5km pretloop is baie gewild onder gesinne. Hulle daag met babastootwaentjies en met honde aan leibande op vir ‘n heerlike oggenduitstappie.
Hierdie jaarlikse aanbieding van die Lions het oor jare heen al hoe gewilder geword en verg dae se organisasie deur sowat 16 lede om dit ‘n suksesvolle, maar ook ‘n ontspanne en gesellige dag te maak.
Gansbaai Verkeersafdeling, die beamptes en die bemanning van waterpunte dra by tot die suksesvolle dag.
Of ‘n deelnemer nou eerste of laaste is, elkeen wat die wedloop voltooi, stap weg met ‘n medalje vir deelname.
