Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Haarknipper
Goliath McKlein (42) is na goeie speurwerk van die plaaslike SAPD opgespoor en verlede Woensdag, 25 Januarie 2017, gearresteer nadat hy met ‘n haarknipper in sy hand betrap is. Die voorval het in ‘n badkamer in ‘n huis in De Kelders plaasgevind.
Hy het vermoedelik toegang tot die huis verkry deur ‘n motorhuisdeur wat half-oop gestaan het.
Die eienaar van die huis was in die tuin besig en geskok-verbaas toe hy die vreemdeling in sy badkamer aantref. McKlein het op vlug geslaan.
Hy het Vrydag, 27 Januarie in die Hermanushof verskyn op aanklag van diefstal.
Huissleutels “per abuis” in posbus
In nog ‘n voorval het Fabian Joemat (21) op ‘n klag van huisbraak op 24 Januarie in die Hermanus-hof verskyn. Hy het na bewering ‘n onbewoonde huis in De Kelders onwettig betree. By ondervraging deur ‘n vriend van die huiseienaar, het Joemat na bewering gesê hy het die huis se sleutels “per abuis” in sy posbus gekry en wou dit persoonlik aan die eienaar terug besorg.
Na verdere ondersoek is bevind dat Joemat onwettig in die Wendy-huis op die perseel woon.
Hy woon vermoedelik saam met twee ander vermeende inbrekers waar hulle na bewering die Wendy-huis gebruik om gesteelde goedere te berg.
