Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Asof die trauma van naasbestaandes se pa, eggenoot en vriend se skielike dood nie genoeg was nie, het inbrekers dieselfde nag, na afloop van die dag se begrafnis, op ‘n familie in rou toegeslaan.
Die geliefde sakeman van Coffee on the Rocks, wyle Barry Johnson, oor wie se dood die Gansbaai Courant verlede week berig het, se familie is erg geskok na ‘n inbraak Maandagnag by hulle huis.
Die huis, geleë in die gesogte Cliffstraat in De Kelders was vol slapende gaste en 5 motors was in die parkeerterrein voor Coffee on the Rocks geparkeer.
Niemand het die nag wakker geword nie, maar was die volgende oggend geskok toe hulle ontdek al hulle selfone, skootrekenaars, iPads en ‘n TV-stel is gesteel.
Die inbrekers het toegang tot die huis verkry, deur ‘n klein venstertjie. Gayle Johnson, wyle Barry se weduwee, sê sy kan nie glo dat hulle almal so vas geslaap het nie.
Vlug gekanselleer
Haar seun, Guy moes Dinsdag, 28 Februarie terugkeer na sy tuiste in Engeland, maar moes alles kanselleer, omdat sy paspoort gesteel is.
