Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
‘n Brand in Dolf en Lena Europa van Kappertjiestraat in Blompark se agterplaas het die egpaar verslae gelaat.
Die brand het Sondag, 26 Maart 2017 omstreeks 09:30 in ‘n plakkershut (hok) in die agterplaas uitgebreek en binne oomblikke ook die twee houtrondawels tot as verbrand - selfs die hoenders is doodgebrand.
Die egpaar se huis (regs op die foto), asook Lena se huis (links op die foto) wat haar ma vir haar nagelaat het, het geringe skade opgedoen.
Die 3 geboutjies was bewoon, maar die inwoners kon na veiligheid hardloop en het kort daarna probeer om die vuur te blus.
Gansbaai brandweer was op die toneel, maar die houthuisies het te vinnig afgebrand om iets te kon red.
Van die items wat deur die brand vernietig is, is onder andere beddens, stoele, ‘n kamerstel, ‘n wasmasjien, yskas, linne en komberse, kinderstootwaentjies, klerekaste vol klere en vele ander alledaagse artikels.
Barmhartige Samaritane wat die Europa-gesin wil ondersteun, kan vir Lena by 082 959 4829 skakel.
“Ons sal so dankbaar wees vir enige hulp, maar veral ook vir stene sodat ons stewiger geboue kan oprig,” het ‘n radelose Lena gesê.
