Publieke insette is belangrik vir die Konsep Waterdienstewet en alle rolspelers en individue sal die vrugte daarvan kan pluk deur hul insette voor of op 5 Mei 2017 te lewer.

Alle munisipaliteite moet in terme van die Waterdienstewet, Wet 108 van 1997, 'n Konsep Waterdienste Ontwikkelingsplan aan die Raad voorlê, waarna dit beskik-baar gemaak moet word vir kommentaar en insette van die publiek en ander rolspelers, onder andere die Departement van Water en Sanitasie, BGCMA, en ander munisipaliteite.

Overstrand Munisipaliteit se Konsep Waterdienste Ontwikkelingsplan vir 2017/18 is op 29 Maart 2017 in die Raad ter tafel gelê.  Die finale plan, met inagneming van enige kommentaar wat ontvang is, sal op 31 Mei 2017 aan die Raad voorgelê word vir goedkeuring.

Waterdienste sluit beide watervoorsiening en riolering in. Die plan sluit verskeie elemente in, waaronder administrasie, demografie, diensvlakke, sosio-ekonomiese profiele, infrastruktuur, instandhouding, water aanvraag bestuur, waterbronne, finansies en institusionele aspekte.

Die konsep plan is tot 5 Mei 2017 op die munisipaliteit se webblad, www.overstrand.gov.za beskikbaar vir insette en/of kommentaar. (Klik op documents en dan op strategic documents).

Kommentaar kan gestuur word aan faksnommer 028-313 8128 of e-pos dit na hblignaut@overstrand.gov.za, vir aandag mnr H Blignaut.

Zoom