Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
‘Oom Daan’ het verlede week ‘n sake-onderneming in die dorp geskakel om ‘n kwotasie vir bouwerk op sy plaas te kom doen.
Michael Geldenhuys van Geldenhuys Bouers was op pad na die plaas, toe dieselfde ‘Oom Daan’ skakel en vra of Michael asseblief vir hom selfoontyd sal gaan koop, aangesien hy byna niks oor het nie. Hy sou hom terug betaal sodra hy op die plaas aankom.
Met woorde soos ‘ons Afrikaners help mekaar mos’ het hy Michael oortuig om dit te koop voordat laasgenoemde uit die dorp uitry. Kort daarna skakel ‘Oom Daan’ weer en sê Michael moet solank vir hom die nommers van die lugtyd gee, want dit het nou ‘n krisis geword op die plaas en hy moet dringend ander oproepe ook maak.
Michael het lont geruik en vir die ‘Oom Daan’ gesê dat hy al byna by die plaas se afdraai is en dit vir hom sal gee sodra hy daar aankom.
Die vriendelike ‘Oom Daan’ het skielik in ‘n baie sarkastiese ‘Daan’ verander, begin vloek en skel en gesê Michael moet maar sy selfoontyd geniet en die foon afgeskakel.
Daar was toe nooit eers so ‘n plaas soos wat ‘Oom Daan’ die roete verduidelik het nie.
‘n Paar dae later het Michael ‘n soortgelyke oproep ontvang, maar dié keer die persoon duidelik vertel waar Dawid die wortels gegrawe het.
Wees gewaarsku
Besigheidsmense moet hul ore spits wanneer hulle ‘n oproep ontvang van ‘n persoon wat wil hê dat hulle na ‘n plaas moet uitry om ‘n kwotasie te gaan doen en daarna versoek om selfoontyd saam te neem.
Martin van Staden van Omega Ondernemings het onlangs ‘n soortgelyke oproep ontvang van ‘n ene mnr Botha van Suiwelslaagte in die Napier-omgewing, wat ook kort na die oproep ‘die selfoontydguns’ gevra het.
Gansbaai Courant het navraag gedoen oor die foefie wat handelaars dwarsoor Suid-Afrika al duisende rande uit die sak gejaag het.
Volgens Kapt Danie Rautenbach van die plaaslike speurtak, word selfoontyd op die wyse gebuit. Hy sê in Suid-Afrika kan sulke booswigte opgespoor word weens die FICA-beleid, maar hierdie skelms sit menigmaal in ander lande, soos Somalië en Tsonga en gebruik verskeie SIM-kaarte waarop die selfoontyd wat die weldoener koop, dan gelaai word deur van die ‘roaming’ funksie gebruik te maak.
Kapt Rautenbach sê die SAPD kan slegs probeer om hierdie skelms vas te trek indien ‘n slagoffer ‘n saak by die polisie open.
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read More‘n Ou skelm het Maandag spreekwoordelik in die leeu se bek ingestap toe hy ‘n...
Annually, the world unites in a coastal clean-up initiative.
‘n Glimlaggende Carli Swart (7) het Dinsdag, 19 September 2017...
Luisterryke koorsang en lofprysing het die NGK se kerkgebou Sondag...
39 rommelrowers het Saterdag deel uitgemaak van Internasionale Kus Opruimdag.
Die Suid-Afrikaanse Astronomiese Observatorium (SAAO) in Kaapstad bied reeds die afgelope paar jaar...