‘n Motorfietsryer het Dondermiddag ter nouernood aan die dood ontkom toe ‘n bakkie hom van agter getref het. Mnr. Gilbert Hart, eienaar van Club RGA in Blompark, het langs die sperstreep in die middel van die R43 by die De Kelders afdraai gestop en vir ‘n aankomende motor gewag om verby te kom.

Hy was vanaf Stanford oppad en alhoewel daar ‘n dubbelbaan aan sy kant van die pad was het ‘n bakkie van Sterling Delta die DMW 12RT van agter getref. Die motorfiets is onder Hart uitgestamp en hy het op sy linkersy in die pad geval en skuurwonde opgedoen. Die BMW is oor die pad, reg voor ‘n aankomende voertuig met bejaarde insittendes, geslinger en die motor is links voor getref. Die bestuurder en sy vrou is nie beseer nie. “Ek kon nie glo dat dit gebeur het nie en het vir die bakkie se bestuurder gevra of hy wydsbeen oor die sperstreep in die middel van die pad gery het. Hy wou my egter nie antwoord nie” het Hart, wat tydens die ongeluk met Mnr. Monty Whitting, wat tuis na ‘n ernstige operasie aansterk, se motorfiets gery het. “Ek en hy het baie keer saam met ons motorfietse gaan ry en hy het vir my gevra om pos vir hom in Hermanus te gaan afhaal.” het Hart gesê.
Francois de Jongh