Vanjaar se groep gr.8 leerlinge het al Dinsdag 15 Januarie ‘n voorsmakie gekry van die hoërskoollewe. Leerders is in hul klasgroepe ingedeel en het hul register onderwysers ontmoet. Die groot dag was egter Woensdag waar die hele skool die nuwelinge kon deurkyk. Vanjaar se groep is by die 200 leerders.

Vrydag 18 Januarie was die formele inlywingsgeleentheid. Om drie uur is daar afgeskop met lekker aktiwiteite en leerders kon mekaar, asook die matriekraad leerders, beter leer ken. Om 9 uur die aand is elkeen se kersie aangesteek deur mnr Kobus Koekemoer en daarna het elke leerder hul belofte aan die skool gemaak. Met elkeen se kersie aan die brand het die leerders volwaardige Sharkies geword. Dit was verblydend om te sien hoeveel ouers die geleentheid bygewoon het.                        
Liezel Mostert