Agter: Wilfred Tobias, Hein Goedde, Heinrich Vermeulen, Johan Beets, Jonathan Doyle, André Hage, Christo Swart, Corrie Avenant en Driaan Kriel. Middel: Juan Havenga en Nico du Plessis
Voor: Theuns Otto

Gansbaai Krieketklub het Sondag hulle Overberg 40 Overs Sondagliga op 'n hoë noot afgesluit deur Stanford Krieketklub op Stanford met 10 paaltjies te wen.
Stanford Krieketklub het eerste gekolf en as gevolg van goeie boulwerk deur Theuns Otto (8-0-42-6) en Driaan Kriel (7.4-3-29-3) met 'n skamelende 76 almal uit aangeteken.
Gansbaai se openings-kolwers Juan Havenga 52 lopies n.u.n (9x4)(1x6) en Nico du Plessis 20 lopies n.u.n (4x4) het die wen lopies in net 13.3 boulbeurte aangeteken.
Gansbaai Krieketklub se bestuur en spelers wil dan ook vir Theuns hulle vreugde en geluk toewens met die geboorte van hul klein pienkvoet. Mag sy julle net groot vreugde bring.
Laastens wil ons net al die spelers herinner aan die 20/20 wedstryd eerskomende Sondag teen Kleinmond Krieketklub op Kleinmond.
Sportiewe groete,

Heinrich Vermeulen