In ‘n bakermat-uitspraak is Leon Bekker, Vrydag in Mosselbaai se Landdroshof skuldig bevind vir die vang van ‘n grootwithaai op 11 Maart 2011. Hy is swaar gestraf en gevonnis tot R120 000 boete óf 12 maande gevangenisstraf, opgeskort vir 5 jaar. Wat die saak uniek maak is dat dit die eerste grootwithaaisaak en -vonnis in ‘n Suid-Afrikaanse hof is.

(Internetfoto)

Suid-Afrika was ook die eerste land wat wetgewing aangeneem het om die grootwithaaispesie (Carcharodon Carcharias) te beskerm. Grootwithaaikake en –tande is gesog in China en haal derduisende rande op die swartmark.
“Ons is seker dat die vonnis as ‘n afskrikmiddel sal dien vir enige een wat dit oorweeg om hierdie beskermde spesie en andere te vang of te versteur. Ons sal voortgaan om op die publiek en ander wetstoepassingsagentskappe te steun om ons marienebronne te beskerm en oortreders te arresteer en te vervolg,” het die Departement van Landbou, Bosbou en Visserye (DAFF) Maandag in ‘n persverklaring gesê.
Francois de Jongh