Gansbaai se nimmereindigende en entoesiastiese Toerisme Buro het reeds sedert die begin van die jaar 'n behoorlike Jaarkalender in die kantoor beskikbaar. Alle organisasies, skole, kerke en individue word vriendelik uitgenooi om daarvan gebruiik te maak.

Doulene Els van Gansbaai Toerisme wys hier na oop spasies op die enorme 2013 Jaarkalender wat vir byeenkomste beskikbaar is.

Die verlede het lankal reeds bewys dat gereelde "botsings" met verwysing na feeste en byeenkomste plaasvind. Hierdie is die ideale wyse om vele "botsings" van datums te voorkom. Dit is 'n groot Jaarkalender en belangstellendes kan rustig staan en kyk vir oop spasies vir beplande aanbiedinge. Hoe meer daar van hierdie Jaarkalender gebruik gemaak word, hoe minder onnodige botsings sal opduik. Inwoners, organisasies en besighede word ook aangemoedig om as Toerismelede teen 'n minimale jaarlikse fooitjie by Gansbaai Toerisme aan te sluit. Relevante en interessante inligting en datums kan op hierdie wyse bekom word om behoorlik met die omgewing se bedrywighede op hoogte te bly. Gansbaai Toerisme Buro se besoektye is Maandae tot Vrydae 09:00-17:00, Saterdae 09:00-16:00 en Sondae 10:00-14:00.
Vir opdatum toerisme gebeure en interessanthede, kan hulle by 028-394-1439 gekontak word, of stuur 'n e-pos aan gansbaaiinfo@telkomsa.net. Webtuistes is: www.gansbaaiinfo.co.za of www.gansbaai.com.                                         
Hardus Botha