Tweelingsussies, Chrisna en Liza

Liza Smith, oud-Gansbaaier en dogter van wyle Boy Swart en Estie Victor, is in Januarie gediagnoseer met breinkanker. Liza is een van 'n tweeling, en het van Sub A tot St 5 (graad11) op Gansbaai skoolgegaan.Sy is tans woonagtig in Maun Botswana.

Om te help met haar geweldige mediese onkostes, word 'n fondinsameling vir die oud-Gansbaaier gehou in Die Stal op 16 Maart waartydens Anton Goosen, Piet Botha, Gian Groen, Akkedis (Lyzyrd Kyngs), Matt Hurter en die opkomende plaaslike Mat Human gratis gaan optree.

Die kaartjies is by die deur beskikbaar. Daar sal ook 'n kontant kroeg en Shooter-bar vir die dors beskikbaar wees, asook eet-en-peusel goed. Daar gaan 'n veiling wees van o.a. wyn, juwele en allerlei ander items wat goedgunstige geskenk is. Die druk van plakkate en biljette is ook goedgunstig geborg.
 

Elmarie Fourie van Gansbaai het haar pragtige lang blonde hare tydens die Kansa Shavathon alles ter ondersteuning van haar suster, Liza Smith, laat afskeer. Regs is haar dogter, Estie besig om foto’s te neem. Liezel Prinsloo van Hair on 13 Main het haar afdag opgeoffer om deel te kan wees van die verrigtinge.