Ricardo Filander ontvang sy rolstoel van Wessel Lombard van Gansbaai Lionsklub.

Gansbaai Lionsklub het weer eens tot hulpverlening oorgegaan. Suster Sonia Lombard van Stanford kliniek, wat ook 'n Lionslid is, het die 14-jarige Ricardo Filander van 'n plaas in die Papiesvlei-area, se groot behoefte vir 'n rolstoel raakgesien.

Ricardo is met sy gebrek gebore wat hom afhanklik van 'n rolstoel gemaak het, maar wat hy nie gehad het nie. Hierdie behoefte is aan Gansbaai Lionsklub voorgelê, wat besluit het om te help. Op Vrydag, 5 April 2013 het Lion Wessel Lombard hierdie gewaardeerde en noodsaaklike geskenk aan Ricardo oorhandig. Onder andere was Ricardo se ouers, Leonard en Maria Filander, asook sy nefie, Lionel, teenwoordig om die groot opgewondenheid van Ricardo met hom te deel.

Vir navrae rakende Gansbaai Lionsklub, kan hulle Lion President by 072-475-7256 geskakel word, of stuur 'n e-pos aan hom by leo1052@telkomsa.net.

Hardus Botha