Die groot groep deelnemers aan Gansbaai Pistoolklub se Opeskietdag by hulle klubhuis

Gansbaai Pistoolskietklub se prettige Opeskietdag het suksesvol afgeloop. "Die agtermiddag se pretskiet het goed verloop en die gelukkige wenners wat elkeen 'n prys gewen het, was Renè Human en John Wreyford," vertel Cathy Hammond van die Klub. "Ons het net die twee pryse gehad, maar alle deelnemers het die agtermiddag terdeë geniet." Hierdie is 'n jaarlikse instelling van die klub, onder voorsitterskap van Alec Kitley, wat uitstedig was tydens die byeenkoms. Dit kan eerder as 'n "Prêtdag" beskryf word, aangesien alle besoekers ook gesellig kon saamkuier en verversings geniet, terwyl die geleentheid om as lede aan te sluit aan nuwelinge daargestel is. Gansbaai Pistoolskietklub is vanjaar in hul 19de bestaansjaar, ná die stigting van die klub op 10 Februarie 1994, met Alec wat steeds as voorsitter dien.

Vir enige navrae rakende die klub kan Alec Kitley by 028-384-0335 of 083-379-2275 geskakel word, of skakel die ondervoorsitter, Andy Hammond, by 028-384-2062.           

Hardus Botha