Die watervleuel van Mariene en Kusbestuur (MKB) het op Maandag, 15 April 2013 sewe perlemoenstropers by Bloubaai, Pearly Beach op see aangekeer. Hulle was in besit van enkele sakke gestroopte perlemoen. Drie van hulle is aan land met voertuie na Gansbaai gebring. Die ander vier is met MKB se boot, Steenbras, by Kleinbaai hawe afgelaai. Hoofinspekteur Eshaan Kahn van MKB (heel regs staande) sê dit was 'n gekombineerde operasie met die Departement Seevisserye wat uitgevoer is. Hy is deur Mariene Inspekteur Francois du Preez (binne in die boot) en andere bygestaan. Die vier stropers is op die kaai geboei en weggeneem.                                      
Hardus Botha