Voorverlede Saterdag, 22 Junie, het ons dames, die Strandlopertjies, hul 2de wedstryd in die 190liga op Worcester gaan speel. Hierdie wedstryd het al 2 keer uitgereën. Ons dames het 'n baie goeie oorwinning behaal en hul teenstanders met 'n telling van 61 - 17 geklop. Met hierdie prag oorwinning is ons dames deur na die finaal op 3 Augustus. Die dames van Worcester moet nog teen die dames van Napier/Riviersonderend speel om die finaliste te bepaal. Baie dankie aan Alta van Niekerk, Lisel Joubert, Carien Gooding en Patty Blignaut wat Saterdag op Worcester gaan speel het. Van al ons tennis-"kykers" wil ons graag vir SPAR en SuperSPAR bedank vir hul bydrae tot die uitsending van die Franse Ope en Wimbledon toernooie. Ons geniet elke oomblik van die TV-tennis.

Sosiale tennis word op Woensdagoggende om 10:00 by die munisipale bane en Saterdae by die skool se bane gespeel. Almal is baie welkom om saam te speel.

Tennisgroete.