“Aanhouers wen is die pad wat die Sea Gulls Netbalklub tans loop,” sê Adelè Hart. Die klub het verlede Saterdag teen Kleinmond op hulle velde gespeel en veral die A-span voel heel goed oor hulself. Hulle het met 13-9 gewen, terwyl die B-span ongelukkig met 6-9 verloor het. Sy sê dit was ‘n  goeie, maar harde wedstryd gewees, maar ‘n  pragtige sportmansgees het onder die spelers geheers. Eerskomende Saterdag speel hulle tuis op Blompark se sportgronde teen Botrivier se spanne.

Op 26 Julie vanjaar vind die Sea Gulls Netbalklub se gewilde Mej Sea Gull kompetisie plaas. Inskrywingsvorms kan by enige klublid verkry word. “Ons is goed op dreef en is ook besig met verskillende funksies vir fondsinsamelings,” sê Adelè.

Sy vra ondersteuning vir hierdie pogings wat deur hulle aangewend word, aangesien hulle fondse vir toerusting en klere benodig. Belangstellendes kan Adelè Hart by 073-351-1015 skakel.

Hardus Botha