Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Die groep Groente-kursusgangers, met die aanbieder, Abraham Moitse voor regs en Leanor Kapot langs hom.
Die Menseregte en Ontwikkelingskantoor in Blompark het onlangs, in samewerking met die Dept Landbou, ‘n kleinskaalse tuinbou-projek geloots. “Die projek strek oor ‘n jaar en hierdie kursus is reeds die derde suksesvolle gedeelte van die projek,” vertel Eleanor Kapot, Skakelbeampte van die kantoor. “Ons is besig om mense in die gemeenskap te bemagtig as bydrae tot die verligting van armoede.”
Die koördineerder van die Menseregte-kantoor is Juan Lewis en die aanbieder van die kursus is Abraham Moitse. Die Groentekursus bevat ‘n wye reeks aspekte, soos beplanning van ‘n groentetuin, besproeiing, onkruid- en plaagbeheer en die algemene versorging van ‘n groentetuin. Alle groentes is in die inhoud van die kursus opgeneem, soos blaargroentes, koolgroepe, rank- en peulgewasse, knolgroentes en bolgroentes. “Ons bedank graag die kursusaanbieder vir sy geduld en puik aanbieding, asook me C Valentine vir haar puik spysenieringsdienste,” sê Eleanor.
Vir meer inligting kan die Menseregte en Ontwikkelingskantoor kan by 028-384-1874 geskakel word, of skakel vir Eleanor Kapot by 073-304-7914 of Juan Lewis by 074-103-9763.
Hardus Botha
