Daniël Nieuwoudt is verlede Woensdag in Hermanus  deur Landdros Preggy Govender vrygespreek op aanklagte van die onwettige besit van perlemoen. Nieuwoudt is verlede jaar met 3346 perlemoen betrap toe hy volgens sy prokureur, Hugo Carstens, 'n guns aan 'n vriend wou bewys. Nieuwoudt het beweer dat hy vir sy vriend 'n vrag sand wou gaan laai op die dorpsmeentgronde tussen die dorp en die stortingsterrein. Sy vriend se bakkie het glo onklaar geraak. Toe Nieuwoudt egter in die veldpaadjie stop het mans uit die bosse gekom en sakke op sy bakkie gelaai. Hy het volgens hom onraad vermoed, maar die polisie het daar opgedaag voordat hy enigiets kon doen.
Francois de Jongh