* Bid vir ‘n persoonlike verbintenis van elke lidmaat aan ons gemeentevisie: NG Gemeente Gansbaai - ‘n Hawe van God se genade.” En, dat gemeentelede die doelstellings hul eie sal maak. Bid veral vir die groei in die “omgee-gesindheid” waarna so baie lidmate smag.

* Bid vir meelewing en bywoning van eredienste, gesinsdienste, huiskerk deur gemeentelede (en besoekers) en die bediening van die Woord met wyksbyeenkomste, Bybelstudiegroepe, ens.

* Bid vir ons leraars, ouderlinge en diakens: vir motivering in hulle dienswerk en die ondersteuning van hulle wykslede.

* Bid vir die jeug, die kategese, kinderkrans én vir die gemeentelede wat betrokke is by die bediening van die jongmense/kinders in ons gemeente.

* Bid vir die Sending en Uitreik-diensgroepe en ook vir seën met die onderskeie diensgroepe van die Diens van Barmhartigheid; vir al die koninkrykswerk wat deur die manne en vroue verrig word.

* Bid vir die Vrouediens en die projekte wat hulle beplan en aanpak.

* Bid vir die amptenare en vir die Bedieninge wat die gemeente se finansies en ander administratiewe take hanteer.

En laat ons die Here dank vir die voorreg om lidmaat van die kerk te wees.

“Satan lag oor ons geswoeg en hy spot met ons wysheid, maar hy bewe van vrees wanneer ons BID.”
-- Chadwick