Die tel van die Huppel-en-Kruppel-blikkies op 19-11-2013 was weereens 'n bewys dat letterlik elke muntstukkie as bydrae help waar daar nood is. Die pragtige bedrag van R7 440 is ingesamel. Die Here seën steeds hierdie projek wat in 2000 deur die NGK se diens van barmhartigheid van stapel gestuur is. Daardie "lastige" kleingeld sorg jaarliks vir 'n pragtige bedrag vir 'n goeie doel.

"Huppel" en "Kruppel" beteken letterlik vir kinders en bejaardes wat in nood verkeer. Die fondse wat op hierdie wyse ingesamel word, word onderandere aangewend vir projekte soos skoolklere vir kinders, doeke vir bejaarde verswaktes en geldelike ondersteuning in geval van nood vir pasiënte wat in die nasorgsentrum van Herberg-aan-See opgeneem word. Die organiseerders van hierdie projek bedank graag almal wat hierby betrokke is en bussies so getrou vol maak. Nuwe intrekkers of persone kan leë bussies by die kerkkantoor afhaal.